દેશમાં તેલની વધતી કિંમતોને કારણે સીએનજી કાર તરફ લોકોનું આકર્ષણ વધ્યું છે. જે આર્થિક તેમજ ઇકો ફ્રેન્ડલી છે.જો તમે પણ CNG કાર ખરીદવાનું વિચારી રહ્યા છો. તો અમે ટોપ 3 CNG કાર વિશે જણાવવા જઈ રહ્યા છીએ જે ઓછા બજેટમાં આવે છે અને ફીચર્સ સાથે મજબૂત માઈલેજ આપે છે.
આમાં અમે મારુતિ અલ્ટો, વેગનઆર અને એસ પ્રેસોને પસંદ કર્યા છે, જેમાં તમે આ ત્રણેય CNG કારની કિંમત, ફીચર્સ, માઇલેજ અને સ્પેસિફિકેશન વિશે સંપૂર્ણ માહિતી જાણી શકશો.મારુતિ અલ્ટો 800 સીએનજી: મારુતિ અલ્ટો 800 તેની કંપનીની સૌથી વધુ વેચાતી કાર છે. જે પેટ્રોલ અને CNG બંને પર મજબૂત માઈલેજ માટે પસંદ કરવામાં આવે છે. કંપનીએ આ કારના બે CNG વેરિઅન્ટ લોન્ચ કર્યા છે.
અલ્ટોમાં 796 સીસીનું એન્જિન આપવામાં આવ્યું છે. આ એન્જિન 40.36 Bhpનો મહત્તમ પાવર અને 60 Nmનો મહત્તમ ટોર્ક જનરેટ કરી શકે છે. કંપનીએ આ એન્જિન સાથે મેન્યુઅલ ટ્રાન્સમિશન આપ્યું છે.કારના માઈલેજ અંગે કંપનીનો દાવો છે કે આ કાર પેટ્રોલ પર 22 કિમી અને CNG પર 31.59 કિમીની માઈલેજ આપે છે. આ કારની શરૂઆતી કિંમત 4.66 લાખ રૂપિયા છે.
મારુતિ વેગનઆર સીએનજી: મારુતિ વેગનઆર તેની કંપનીના હેચબેક સેગમેન્ટમાં સૌથી લોકપ્રિય કાર છે. કંપનીએ તેના બે CNG વેરિઅન્ટ લોન્ચ કર્યા છે.કંપનીએ આ કારમાં 998 સીસીનું એન્જિન આપ્યું છે. આ એન્જિન 58.33 bhpનો પાવર અને 78 Nmનો ટોર્ક જનરેટ કરે છે. મારુતિએ આ એન્જિન સાથે મેન્યુઅલ ટ્રાન્સમિશન આપ્યું છે.
કારના માઈલેજ અંગે કંપનીનો દાવો છે કે આ કાર પેટ્રોલ પર 22 kmpl અને CNG પર 32.52 kmplની માઈલેજ આપે છે. આ WagonR CNGની શરૂઆતી કિંમત 5.70 લાખ રૂપિયા છે.
