સરસવના તેલનો ઉત્તર ભારતમાં સૌથી વધુ ઉપયોગ કરવામાં આવે છે. કારણ કે, તે અહીંની ભૌગોલિક સ્થિતિ અને પર્યાવરણ સાથે સૌથી વધુ મેલ ખાય છે.ત્યારે શરીરના અમુક ભાગો પર સરસવના તેલની માલિશ કરવાથી રાહત મળે છે ત્યારે તમને ઘણા અદ્ભુત ફાયદાઓ પણ થાય છે. ત્યારે આ લેખમાં જાણીએ કે શરીરના કયા ભાગો પર સરસવના તેલનો ઉપયોગ કરી શકાય છે અને તેના ફાયદા શું છે?
સરસવનું તેલ ચહેરા પર લગાવવાથી ફાયદો થાય છે
સરસવના તેલમાં વિટામિન E રહેલ હોય છે ત્યારે જે ચહેરાની ત્વચાને કોમળ અને યુવાન બનાવવામાં મદદ કરે છે. અને સાથે સરસવના તેલથી ડાઘ પણ હળવા થઇ જાય છે. આ માટે ફેસ પેકમાં સરસવનું તેલ મિક્સ કરી શકાય અથવા તેના થોડા ટીપા ચહેરા પર મસાજ કરી શકાય
સરસવનું તેલ દાંત પર લગાવવાથી રાહત થાય છે
ત્યારે કદાચ બહુ ઓછા લોકો જાણતા હશે સરસવનું તેલ દાંત પર લગાવવાથી ઘણા ફાયદા થાય છે. સઆ રસવના તેલનો ઉપયોગ માત્ર દાંત અને પેઢાને જ મજબૂત બનાવે છે સાથે પીળા દાંતને પણ સાફ કરે છે. દરરોજ એક ચપટી રોક મીઠું, સરસવના તેલના થોડા ટીપાં અને એક ચપટી હળદર મિક્સ કરીને આંગળી વડે દાંત અને પેઢા પર ઘસો. મસાજ કર્યા પછી થોડીવાર પછી મોં બંધ રાખો અને પછી હૂંફાળા પાણીથી મોં ધોઈ લો.
સરસવનું તેલ વાળમાં લગાવવાના ફાયદા
વાળમાં સરસવનું તેલ લગાવીને હેર કન્ડીશનીંગ કરી શકાય છે. આ સિવાય માથાની ચામડી પર સરસવના તેલની માલિશ કરવાથી પણ ડેન્ડ્રફને નિયંત્રિત કરવામાં મદદ મળે છે અને વાળ મજબૂત થાય છે. તમે સરસવનું તેલ સીધા માથાની ચામડી અને વાળમાં લગાવી શકો છો અથવા તમે તેને હેર માસ્કમાં પણ સામેલ કરી શકો છો.
